Կիպրոս (հուն․՝ Κύπρος, պաշտոնապես՝ Կիպրոսի Հանրապետություն (հուն․՝ Κυπριακή Δημοκρατία), պետություն Արևմտյան Ասիայում, Միջերկրական ծովիարևելյան մասում՝ Թուրքիայից հարավ։ Գտնվում է նույնանուն կղզու վրա։ Մտնում է Բրիտանական համագործակցության մեջ։ Կիպրոսի Հանրապետությունը զարգացած երկիր է և անդամ է Եվրոպական Միության 2004 թվականի մայիսի 1-ից։ Կղզու ափերը ցածրադիր են, թույլ կտրտված, մակերևույթը լեռնային է։ Հյուսիսային ափի երկայնքով ձգվում է Կիրենիա լեռնաշղթան (առավելագույն բարձրությունը՝ 1023 մ), կենտրոնական և հարավային մասում՝ Տրոոդոս լեռնազանգվածը (առավելագույն բարձրությունը՝ 1951 մ)։ Նրանց միջև Մեսաորիա հարթավայրն է (բարձրությունը մոտ 200 մ)։ Օգտակար հանածոներից կան քրոմիտ, երկաթ, պղինձ, ասբեստ։ Կլիման մերձարևադարձային միջերկրածովյան է։ Ամառը շոգ է (25-35C), ձմեռը՝ մեղմ (10-15C) ։ Տարեկան տեղումները հարթավայրերում 300-500 մմ են, լեռներում՝ 100-1300 մմ։ Գետահունները ջրով են լցվում միայն ձմեռային անձրևներից հետո։ Մինչև 500 մ բարձրությունները գերակշռում են մշտադալար թփերի մացառուտները, ավելի բարձր կաղնու, նոճու, հալեպյան սոճու անտառները (գրավում են Կիպրոսի տարածքի մոտ 20 %-ը):

Կլիման.Կլիման կղզում միջերկրածովյան մերձարևադարձային է`  շոգ ամառներով և համեմատաբար մեղմ, անձրևային ձմեռներով: Սովորաբար անձրևները սկսում են տեղալ  հոկտեմբերի վերջից և շարունակվում են մինչև ապրիլ ամիսը: Կիպրոսի կլիման աշխարհում ամենաառողջարարն է համարվում:

Կիպրոսում տարվա 340 օրը արև է լինում: Հունվարի միջին ջերմաստիճանը + 10—15 °С  է, հուլիսին` + 25—30 °С, տարեկան տեղումների քանակը կազմում է 300—1300 մմ: