Իտալիան գտնվում է Հարավային Եվրոպայում` Միջերկրական ծովի կենտրոնական մասում: Զբաղեցնում է Ապենինյան թերակղզին, Սիցիլիա, Սարդինիա և մի շարք մանր կղզիները: Իտալիայի տարածքում գտնվում են երկու փոքր պետություններ` Վատիկանը և Սան Մարինոն: 
ԻՏԱԼԻԱՆ հակադրությունների երկիր է։ Այնտեղ կարելի է տեսնել և՛ երկարաձիգ ծովափեր, և՛ ժայռոտ լեռնաշղթաներ։ Հարավում տոթակեզ ամառներ են լինում, հյուսիսում՝ խստաշունչ ձմեռներ։ Իտալիան հրաբխային երկիր է, բայց կան ընդամենը մի քանի գործող հրաբուխներ, որոնցից են Ստրոմբոլին և Էտնան։

Իտալիան Եվրոպայի ամենախիտ բնակեցված երկրներից է։ Այս երկիր ոտք են դրել շատ ժողովուրդներ, այդ թվում արաբներ, բյուզանդացիներ, հույներ, նորմանդացիներ և փյունիկեցիներ։

Երկիրը հարուստ է պատմական և մշակութային կոթողներով։ Իտալիայի մեծ ու փոքր քաղաքներում կարելի է տեսնել հին հունական և հռոմեական ավերակներ, բարոկկո ոճի ու Վերածննդի դարաշրջանի ճարտարապետություն։ Հիացմունք են պատճառում նաև գեղանկարները, մարմարյա արձանները, շատրվանները, որոնք այնպիսի հանճարների ձեռքի գործեր են, ինչպիսիք են Բեռնինին, Միքելանջելոն և Ռաֆայելը։
Եղանակը  Իտալիայում

Երկրի կենտրոնական և հարավային շրջաններում կլիման մերձարևադարձային է. ձմռանը` +4°C-ից +8°C, խոնավ, իսկ ամռանը` +20°C -ից +28°C, չոր:

Լավագույն ժամանակը այցելելու Իտալիա գարնանն է և ամռանը: